പൊന്നെന്നും പൂവെന്നും ഞാനോതിടാം
മാനത്തെ പാല്‍ക്കിണ്ണം ഞാനേകിടാം
എന്നുമെന്നുമെന്റെതായ് കാത്തു നില്‍ക്കുവാന്‍
നിന്നെയെന്റെ ജീവനില്‍ ചേര്‍ത്തുവെച്ചിടാം
മായാതെന്റെ ഓര്‍മയില്‍
നീയാണെന്നുമോമലേ
അറിയുമോ...എന്നില്‍ നിറയുമോ ?
പടരുമോ.... ?
(എന്നുമെന്നു...)
ആരോ ദൂരെ ഒരു ചിരി നീട്ടി
ഞാനോ നീയോ പറയുക പ്രാവേ
പിന്നൊരിക്കല്‍ വന്നൂ, കരളെന്നു ചൊല്ലി നീ.
നീലമേഘക്കുന്നിന്‍ പുറമേറിയാടിയെന്‍
ഏകാന്തഹൃദയത്തിന്‍ ആനന്ദതാരകം;
പ്രാണന്റെ താളത്തില്‍ സംഗീതസാഗരം.
അറിയുമോ...എന്നില്‍ നിറയുമോ ?
പടരുമോ.... ?
(എന്നുമെന്നു...)
ദേഷ്യമാണോ...?മാടപ്രാവേ ,
ദൂരത്തു പോയ് മറഞ്ഞോ?
മൌനമാണോ...?മാലേഖേ നീ
മായുന്ന പൂവനമോ...?
ഈയനന്തഭൂവില്‍ കനലിന്റെ കോടിയില്‍
നീയൊരാളുമാത്രം തണവുള്ളൊരോര്‍മയായി.
കണ്ണില്ല,കാതില്ല, പൊള്ളില്ല തീമണല്‍ ;
നിന്നോര്‍മക്കാറ്റെന്നെ മൂടുന്ന വേളയില്‍...
ആടിമാസപ്പെണ്ണിന്‍ നിറമാറു കാണുവാന്‍
ആരൊളിച്ചുവന്നൂ മഴവില്ലിന്‍ മേടയില്‍
(പൊന്നെന്നും പൂവെന്നും)
(എന്നുമെന്നു)
പാടിയത്:വിധു പ്രതാപ്
സംഗീതം:നാസര്‍ മാലിക്,ഷറഫു
ആല്‍ബം:പുറത്തിറങ്ങിയിട്ടില്ല
Subscribe to:
Post Comments (Atom)
4 comments:
പ്രവാസിയായ ഒരു കാമുകനാണ് ഗാനത്തിലെ നായകന്‍.
‘ഈയനന്തഭൂവില്‍ കനലിന്റെ കോടിയില്‍
നീയൊരാളുമാത്രം തണവുള്ളൊരോര്‍മയായി.’
വിഷ്ണുമാഷിന്റെ കമന്റ് വായനയുടെ കീയായി.
great vishnuji..album ennirangum
വരികള്‍ ഇഷ്ടമായെന്നു പ്രത്യേകം പറയേണ്ടല്ലോ..വിധുവിന്റെ ശബ്ദം കൂടിയാകുമ്പോള്‍ അതിമധുരം..കേള്‍ക്കാന്‍ എന്താണൊരു വഴി?
Post a Comment